A revista 2017

A REVISTA 2017

Xogo das siluetas! Quinto e último día!!

Xogo das siluetas!! Cuarto día!

Xogo das siluetas! 2 día

Xogo: A descubrir as siluetas!

SILUETA DO LUNS

Tod@ alumn@ que queira poderá participar neste xogo, que consistirá en adiviñar a silueta que aparecerá por todo o cole. Cada día aparecerá unha silueta. Durante esta semana. Deberán cubrir unha tarxeta que se lle dará na propia biblioteca e deixala o último día tamén. SORTE!!!!

Novidades: Apertura da Biblio e novidades co pasaporte lector.

Como xa sabedes a biblioteca xa está en funcionamento de novo. Xa se poden facer préstamos e devolucións. Agora tedes o programa Meiga no ordenador novo que está enriba da mesa do profe. Abrides coma sempre na icona da curuxa que está no escritorio do ordenador e aparecerá unha xanela advertindo que non se puido facer a conexión coa mensaxería. Só tedes que darlle a aceptar e xa se abre o programa coma sempre. A carpeta coas instrucións estará sempre enriba da mesa ó lado do ordenador. O selo debe gardarse sempre no primeiro caixón.

Recordar as normas de colocación dos libros. As estanterías teñen unha etiqueta na parte superior que indica a cor e número da CDU que corresponde co tello do libro. 
Os libros de contos teñen na parte superior do tello a cor da estantería (azul, colorado ou verde), non o confundades coa cor azul que algúns teñen na parte inferior do tello (esto indica que o libro está escrito en galego).
Os libros informativos non teñen ningunha cor. Só hai que fixarse no número.
NOVIDADES en canto ao PASAPORTE LECTOR: Premios á mellor crítica.
A partires de 3º de Ed. Primaria, para ter dereito ao premio, o alumnado selará un mínimo de 5 libros e terá que entregar unha crítica sobre os libros que considere no buzón que poremos na biblioteca para esta actividade. O equipo de biblioteca revisará as críticas dos libros e as expoñerá nun taboleiro para que todos poidan lelas e servirán como recomendacións de libros entre o alumnado.É importante que non desveledes o final do libro, só que dedes a vosa opinión. 

Recomendacións lectoras para o Nadal!

Aqui vos deixo o díptico que fixeron dende a nosa biblio, e que os nenos e nenas levaron, para que poidades pasar unhas vacacións de lecturas emocionantes e divertidas!
Non esquezaces ler un un pouco tódolos días.

E non deixedes de visitar o noso blog e tamén os do cole: a biblio, dinamización da lingua, o noso proxecto "Mans de Terra" e o deportivo tamén. 

Facendo logos cos alumnos de 6º de primaria!

 A pesar de que a nosa biblio non ten libros, xa que estará en reformas, podemos facer outras actividades. 
Como as que nos propuxeron os alumnos de 6º de primaria. Ensináronos a facer logos, moi chulos que fomos debuxando en papel. 
Algúns de nós puidemos disfrutar desta divertida actividade.

             

      

                                     

A biblio de reformas!!

 

A biblio está en reformas, e estará nestes días de vacacións sen libros. Cando regresemos das nosas vacacións de Nadal, igual notaremos algo distinto. Pero non vou a dicir nada, invítovos a que, no regreso, o vexades por vós mesmos e o comprobedes. 

Quilómetros de Solidariedade!!

Un ano máis colaborando coa Fundación Save de Children, o CEIP Valle-Inclán de O Grove organiza unha carreira solidaria no patio do colexio.

Será o día 9 de Decembro se o tempo o permite e aproveitaremos este evento para conmemorar o Día dos Dereitos Humanos.
Podedes consultalo premendo no enlace ao blog da biblio do cole

Mural adicado a Semillas para el Cambio!!

Hoxe as aulas de 5º de primaria axudamos a decorar o murar que o cole está a elaborar con relación á ONG "Semillas para el cambio" e o proxecto deste ano "Mans de Terra".  Podedes pasar e botarlle unha ollada, e ver que ben nos está a quedar. 

Os traballos voluntarios valen a pena!

Marta e Alberte fixeron un traballo sobre o Sistema Solar, e cando o foron deixar á biblio  serviu para que os nenos e neas de Infantil puideran interesarse pola Lúa e o Sol! E o resto de planetas. Aquí podedes ver o link da biblio do noso cole para ver esta nova. 

Hoxe visitounos unha ONG!! Bota unha ollada!

Hoxe visitounos a ONG chamada Semillas para el cambio, e que nos falou do lugar onde traballa ( A India) e que actividades realizan cos nenos e nenas de A India e coas mulleres. Ensinaron cousas feitas por eles, que serven para que recauden algún diñeiro para poder invertilo nesta mesma comunidade! Podes botarlle unha ollada na súa páxina web (que podes clicar neste mesmo fío). Para rematar a súa charla, agasalláronos con unhas chapas moi chulas que nós mesmos decoramos. 

Xornada de portas abertas!

                                            

Así comezou o concurso de postres terroríficos no día de portas abertas na biblio do cole. Houbo postres moi ricos, riquísimos e incríblemente ricos. Todos os que puideron degustalos votaron ao máis e mellor. 

                                                       

E así quedou todo despois da degustación.

                                                          
 


Que ben o pasamos!! 

Creo que xa está!

                      

 Xa está todo listo para que o visitedes, e poderedelo facer maña pola tarde a partires das cinco, porque ademais será a presentación do nome da nosa nova mascota e poderáse degustar os doces que entrarán no concurso. Aquí vos deixo info sacada do blog da biblio:

Xornada de portas abertas na biblioteca.

O día 27 de Outubro, con motivo do día das bibliotecas, invitámosvos a asistir a unha xornada de portas abertas na biblioteca do centro. Esta xornada terá lugar ás 17 horas e haberá as seguintes actividades:

- Concurso de postres terroríficos con produtos do outono (noces, castañas, figos, millo, cabaza, setas…) As familias que queiran participar traerán o seu postre cun título.

-Actuacións do alumnado: Canción do Outono e Contacontos “ A castaña que reventou coa risa”

-Presentación do proxecto “Mans de Terra” e do nome gañador para a mascota.

-Degustación dos postres e votación dos asistentes.

-Entrega de premios do concurso.

Xa está case todo preparado!!!

 Esta semana o cole ten unha apariencia máis tenebrosa do habitual. E estade atentos, porque o xoves hai un concurso de postres. Pero é pola tarde na biblio. Tamén se fará a presentación do nome da nosa mascota. Cal gañaría?? VIDE, será as 5 da tarde.

O Papagaio, un xornal para nós

Nace un xornal para nós.

O Papagaio, será un xornal mensual dirixido a alumnos e alumnas de primaria e secundaria. Estará publicado en rede e poderemos consultalo neste mesmo blog, dirixíndose á columna da dereita onde están as nosas webs interesantes.
A ler!!!

O noso primeiro día na Biblio

                                                                                                     

             

Aqui estabamos o primeiro día na biblio investigando sobre os planetas: planetas ananos, planetas exteriores, planetas interiores...